வேலை தேடி
வரிசையில் நிக்கும் போது
மிகவும் வலித்தது
மனசு
வேலை விற்றாகிவிட்டதாம்
காசுக்கு
******
நடு நிசி நாயை
கல்லெறிந்தும் விரட்டுவாள்
வீட்டிற்கு காவல் வைக்கவும்
விரும்புவாள் தாய்
எனக்காக
******
நடந்து செல்கையில்
கூடவந்து ஒட்டி கொண்டது
அலுவலில் இருந்த என்
அழையா நினைவுகள்
*****
குடையாய் உன் சீலை
உனக்கு என்பேன்
வெயில் ஒன்னும் செய்யாது
கால் வெடிப்புகளை
மறைத்த படி
மகளாய் வேண்டும் என் தாய்
*****
குளிர் அறையில்
தாங்கமுடியவில்லை
என் நண்பனின்
துயர செய்தி
*****
எப்பொழுது
கூட்டி செல்வாய் என்
அனிதா செல்லம் கேட்பாள்
எங்கே என
சொல்லாமலேயே
******
No comments:
Post a Comment